“Mr. Abadilla, bakit ka natutulog?” ang tanong ng aming
English teacher
“Miss, masakit po ang ulo ko” ang sagot ko gamit ang
mahinahon at pa-awa effect kong boses.
“Hala, pumunta ka sa Guidance at humingi ka ng gamot tapos
bumalik ka agad ditto” paalalang sabi ni Ma.m.
“Opo Miss” malumanay kong sagot.
Pumunta ako sa Guidance Office para humingi ng paracetamol
at nagpasalamat pero naisip ko saka na ko babalik sa classroom para hindi ako
makarinig ng ingay kaya ang ginawa ko pumunta ko sa canteen, bumili ng pepsi na
nasa disposable cup at isang krinkles na parang pupu ng baka. Bago kainin ang
krinkles ininom ko na agad ang paracetamol na hiningi at inubos ang binili sa
canteen.
Pagkabalik ko sa classroom masama ang tingin ng English
teacher namin, “Bakit ngayon ka lang bumalik?” inis niyang sabi.
“Miss kumain pa po ko kaya late na po ko nakabalik” sambit
ko na hindi alam kung matatawa o guilty sa kalokohang nagawa.
Miss kasi ang tawag sa mga teacher namin sa school, dalaga
man o misis yun ang tawag namin sa kanila bilang pagrespeto.
Halos yan ang lagi kong ginagawa kapag tinatamad akong
makinig sa klase dahil ang totoo talaga eh boring ang klase namin lalo na pag
malapit na ang uwian kaya ang madalas ginagawa ng ibang kaklase ko eh nagiingay
kung minsan lumalabas ng classroom at sa canteen tatambay para makaiwas sa
lesson ng mga teacher.
Minsan akala ng ibang kaklase ko nagdadahilan talaga ko para
makaiwas pero ang totoo masakit ang ulo ko kasama ng masakit na tyan dahil
nabigla sa kinain o kaya wala akong kinain pag recess.
Masasabi kong yun ang pinaka worst kong kalokohan nung high
school dahil akala ng mga classmate ko sobrang tahimik ko ang hindi nila alam
kaya ako tahimik dahil natutulog ako minsan pa nga tulo ang laway ko kahit
ayoko tanggapin na ganon eh ano magagawa ko eh ganon talaga.
Pero hindi lang yan ang kalokohan ko nung high school, meron
pang iba pero hindi ganon ka-worst pero ikukwento ko parin para malaman niyo.
Oras ng klase namin sa T.H.E. nun, nakaupo ako katabi yung
classmate ko na kasama ko rin sa kalokohan. Pumunta sa pwesto namin yung
classmate naming isa na hindi namin madalas kasama para magtanong sa katabi ko,
alam kong uupo siya sa upuan ko kaya ang ginawa ko tumayo ako pero hindi ako
umalis sa pwesto dahil may space pa kaya hindi problema ang magsiksikan. Nung
nakaupo na siya sa kinauupuan ko at ako naman ay nakatayo na eh may bigla akong
naisip na gawing kalokohan na alam kong magtatagumpay ako hehehe… sakto naman
na parang may digmaan sa loob ng tyan ko na hindi ko alam kung lalabas ba o
hindi kaya’t nakiramdam ako, saktong parang nagkaron na ng gera sa tyan ko
akala ko magkakalat ako kaya’t ang ginawa ko ninamnam ko ang pagsabog hanggang
sa makarinig ako ng kakaibang tunog na alam ng marami.
“Prrruuut!” ang sagot ng aking pwit, sakto nakatapat ang
pwit ko sa mukha ng classmate ko na nakaupo sa aking upuan.
“Anong ginawa mo?” tanong na inosente ng classmate kong
aking napagtripan.
“Sira! Umutot ako, nasinghot mo ba?” siryoso kong sabi.
“G*%o ka amoy na amoy ko, ang baho!” medyo naiinis niyang
sagot.
“Solid ba? ikaw ang kauna-unahan kong biktima sa bagay na
yan” natatawa kong sabi.
May isang bagay din
akong ginawa nung JS prom namin nun na hanggang ngayon hinding hindi ko
makakalimutan, nung time na nagpatugtog ng modern dance yung mobile na inarkila
ng school namin, ako kasama yung ibang classmate ko pumunta sa gitna anim kaming nagsasasayaw na parang
ewan kahit pinagpapawisan.
Bigla kaming nakaisip ng kalokohan ng mga kasama ko, inaya
naming magsayaw yung classmate naming babae at hinatak sa gitna, nung nasa
gitna yung hinatak naming classmate pinalibutan namin para walang kawala.
“Sayaw na Marilou, huwag ka na mahiya” sambit ng classmate
kong lalaki.
“Oo nga Marilou, uy sasayaw na yan huwag ka na mahiya hindi
ka naman makikita sa gagawin mo” sambit ng isa ko pang classmate.
Hindi parin nagsasayaw yung hinatak namin, kami nagsayaw
habang siya nasa gitna lahat samin marunong magsayaw ng tribal (usong sayaw
nung 90’s na in sa mga taong gangster) kahit yung iba may mali sa ginagawang
sayaw.
Sa pagpupumilit namin sa classmate namin na hinatak sa wakas
sumayaw narin at nagulat kami dahil marunong siya mag-tribal dance, kami
napahiyaw sa ginagawang sayaw hanggang sa:
“Si Sir papunta satin” pabulong na sabi ng isang classmate.
“Pag papalapit na si Sir unti-unti tayong umalis para hindi
mahalata ni Marilou” pabulong kong sabi.
Lahat pabor sa naging desisyon ng isa kaya’t nagpatuloy sa
pagsasayaw, habang lumalapit yung Teacher namin unti-unti kaming lumalayo at tumakbo
ng konti, sa kasamaang palad yung classmate naming babae yung napagalitan at
hindi kami dahil tingin ng teacher namin pangit tignan sa babae ang ganong
sayaw, pagkatapos pagalitan yung classmate na babae nagtawanan kami sa gilid.
Nagpatugtog ulit ng modern dance yung mobile,inaya ulit
magsayaw yung classmate na babae pero iba ang naging sagot niya.
“Mga sira! gusto niyo lang akong pag tripan” naiinis niyang
sambit.
THE END.
