tampo

sa tuwing may pagtatalo
laging sumasakit ang ulo
kapag ika'y nang-aaway
hindi ako mapalagay.

pangit ang gising
samantalang ang tulog mo'y mahimbing
hindi makapag-isip
habang ika'y nasa panaginip.

maganda ang iyong gising
ngunit sa akin ay lubos na nakakapraning
hindi alam ang gagawin kung bakit ika'y tinopak
samantalang ako'y nawalan ng sapak.

kaya't sana nama'y huwag magtampo kaagad
solusyon ang tangi kong hangad
huwag ka sanang magalit
pakinggan ako kahit isang saglit.

isang bagay ang nais iparating
kahit hindi ka pa dumating
sana'y maintindihan
at huwag maging bugnutin.

pasensiya sa lahat
kahit ang iba ay hindi dapat
nararamdaman ko'y hindi magbabago
kahit ako'y mabigo.

tulog man ako o gising
isang salita ang nais sabihin
pagmamahal ko'y ganon parin.

hinding hindi masusukat
kahit kumuha ka pa ng panukat
wala ring katimbang
kahit manghiram ka pa ng panimbang.

basta't ang nararamdama'y totoo
tagos sa kaluluwa at puso
sagad pa hanggang buto.